Formacions 2015 del CFPO Miègjorn-Pirenèus

Formacions del CFPO

Lo CFPO de Miègjorn-Pirenèus prepausa de formacions a la lenga e la cultura occitanas en genièr de 2015. La primièra es una formacion intensiva a l'occitan modèrne titolada : « preparacion als mestièrs ligats a la lenga e a la cultura occitanas ». Las autras son de formacions qualificantas a distància a la lenga, per tres nivèls.

La formacion intensiva a l'occitan modèrne se farà de genièr a junh de 2015 amb 540 oras en centre e 294 oras en entrepresas. A per tòca de bastir un percors d’accès a l’emplec e/o a la formacion, en fasa amb son perfil e las filièras d’emplec occitanas. Una reünion d'informacion es organizada lo 19 de novembre a l'Ostal d'Occitània de Tolosa. Ne podètz saupre mai sul site del CFPO.

Las formacions a distància començaràn lo 10 de genièr e s'adreçaràn a tres nivèls : los començaires, lo public mai avançat e, enfin, las personas que parlan e escrivon ja correntament. Seràn dobèrtas a totas las variantas parladas en Aquitània e Miègjorn-Pirenèus. Trobaretz mai d'entresenhas sul site del CFPO.