Dobertura de la bibliotèca virtuala Frederic Mistral

Bibliotèca virtuala Frederic Mistral

A l'escasença del centenari de la mòrt de Frederic Mistral, lo CIRDÒC a mes en linha una bibliotèca virtuala que li es consacrada al dintre de la mediatèca numerica Occitanica. Prepausa quicòm coma 200 ressorsas originalas o ineditas a l'entorn de l'autor provençal e de son òbra, e serà enriquida a mesura del temps.

I podètz tre ara descobrir l'edicion originala de Mirèio, lo manuscrit autograf de Moun espelido : Memòri e raconte, la correspondéncia de Mistral amb Lamartine, Legré, Mallarmé... Intègra tanben la version numerica del Tresor dóu Felibrige realizada mercé al Congrès, que se pòt fulhetar e dins la quala se pòdon tanben far de recèrcas indexadas en plen tèxte.

Visitatz tre ara la bibliotèca virtuala Frederic Mistral.