Letra de ligason :

Lo Congrès que muda a la Ciutat, au còr de vila de Pau

Lo Congrès que muda a la Ciutat

Arron la soa fondacion a Bordèu dab l’APORLOC (Associacion de prefiguracion de l’organisme de regulacion de l’occitan), e la soa purmèra sedença au Castèth d’Este de Vilhèra, còsta l’equipa de l’Institut occitan d’Aquitània (In-Òc), l’istòria deu Congrès que paginavira au parat deus sons 10 ans.

Qu’ei lo 6 de genèr passat qui avem integrat d’ara enlà la Ciutat au navèth bastiment Creem ! situat au baish de la carrèra de la Hont (au cornèr de la plaça Recabòrda) au solèr de haut.

Que permeterà d’ara enlà de tribalhar en hialat mei aisidament dab tot lo teishut associatiu e culturau occitan en Bearn, mes tanben dab tots los partenaris institucionaus qui’ns segueishen deu començar enlà.

Aquiu totas las coordenadas navèras deu Congrès permanent de la lenga occitan a Pau :

Adreça :

Lo Congrès permanent de la lenga occitana
Ciutat – Creem
5 – 7 rue de la Fontaine
64000 PAU

Tel : (00 33) (0)5 32 00 00 64

Corric : info@locongres.org

N’esitetz pas a actualizar aquestas dadas si cau, e a’ns visitar autanlèu com ac permétian las condicions sanitàrias.