Estagiaris au Congrès

Estagiaris au Congrès

En aquesta tempora de calorassa, que mercejam aus valents estagiaris qu'an juntat l'equipa aqueste estiu, per partatjar la frescor de las lors competéncias.

Qu'avem l'escadença d'arcuélher a Capucine, en Master Industria de la Lenga (IDL) a l'Universitat de Grenòble Aups ; a Raj, en Master Lingüistica Informatica de l'Universitat de París Diderot 7 ; e a Vicenç, en BTS Servici Informatic a las Organizacions (SIO) de l'Esicad e gessit d'ua licéncia d'òc a l'Universitat Pau-Valéry Montpelhièr 3.

Tots tres que tribalhèn sus mantun dossièr de desvolopament deu numeric en lenga occitana deu Congrès :

  • La traduccion automatica, e lo desvolopament de las soas ressorsas ;
  • Lo tractament de las dadas deus enregistraments de la sintèsi vocau ;
  • Crear un programa entà versar automaticament dadas deu Congrès a Wikidata.

Un periòde hòrt productiu e ric en aprentissatge, escambis, e expériencia professionau deu Tractament Automatic deu Lengatge en occitan (autant com en francés). Qu'esperam aqueth tribalh que'us servirà tà har vàler la lor diversitat de competéncias en contèxte professionau.