Un filme sus Micheu Chapduelh

Micheu Chapduèlh, una pensada sauvatja

Patrick La Vau ven de far paréisser un filme entitolat Micheu Chapduèlh, una pensada sauvatja a l'entorn de la personalitat, la vita e l'òbra de l'escrivan occitan.

Micheu Chapduelh, companh dau Conselh lingüistic dau Congrès, naisset en 1947 en Peiregòrd e espiet pendent tota sa vita l'anciana civilizacion paisana. Sa « pensada sauvatja » se fai lo resson d'una vision dau monde uei dispareguda, mas qu'es d'una granda modernitat a l'ora daus desfís ecologics de uei.