Las varietats de l'occitan qu'an lo lor subtag a l'IANA

IANA

Adara, los informaticians que poderàn indicar a una maquina la varietat e la grafia d'un tèxte en occitan d'ua faiçon qui serà reconeguda internacionaument. Aquò mercés aus subtags depausats peu Congrès au près de l'IANA.

L'IANA qu'ei l'autoritat qui gereish las ressorsas protocollàrias d'Internet coma los noms de domenis. Mes que s'aucupa tanben deus còdis estandards qui representan las lengas e las lors varietats dens los programas informatics.

Dinc adara en informatica, n'existiva pas de protocòlle internacionau tà har la diferéncia enter, per exemple, un tèxte en occitan provençau e un tèxte en occitan lemosin. Los dus qu'avèvan l'etiqueta « oc ». Qu'ei tà respóner ad aquera necessitat que lo Congrès, en concertacion dab los autes actors deu numeric occitan, aviè ua afranquida auprès de l'IANA. Aquera que permetó de har enregistrar las varietats e sosvarietats mei utilizadas peus informaticians qui tribalhan en lo maine de l'occitan.

L'IANA qu’acceptè la demanda deu Congrès e, despuish lo mes de junh 2018, 10 subtags de varietats e sosvarietats, atau com 3 subtags de grafias tà l'occitan que son disponibles dens lo registre de l'IANA.