Estudiar l’occitan a l’universitat : i avètz pensat ?

Estudis

Per poder passar los concors que menan a l’ensenhament bilingüe, al CAPES, a l’agregacion o que permeton de dintrar en formacion a Calandreta, vos podètz inscriure a l’universitat Paul Valéry de Montpelhièr.  

I a d’oportunitats professionalas que se pòdon trobar sul site realizat en collaboracion amb l’ONISEP : l’occitan, des études, des métiers. Dins l’ensenhament, per exemple, i a de pòstes per l’ensenhament bilingüe occitan / francés.

La formacion a l’Universitat  compren la licéncia, en 6 semèstres (Bac+3 qu’es una formacion complèta en lenga, literatura, istòria, civilizacion e lingüistica). Tot aquò pòt menar puèi a un Master o a un doctorat o a la preparacion de concors.

Es possible de far una licéncia d’occitan sus tres ans en parallèl amb una autra licéncia. Tanben se pòt far aquela licéncia per internet (Candidaturas sur https://candidatures.univ-montp3.fr/ecandidat/#!offreFormationView).

Los qu’an ja una formacion pòst bac pòdon far validar lors competéncias e aleugerir atal la licéncia.

Jos de condicions particularas, lo public de la formacion professionala continua pòt accedir a una licéncia amainatjada sus una annada, amb una presa en carga del còst per la Region.

Lo departament d’occitan pòt aculhir enfin de non especialistas que vòlon seguir una opcion d’occitan e aquò se pòt far tanben per internet en ensenhament a distància.

Informacions : http://www.univ-montp3.fr/occitan/