Ua jornada de formacion a l’occitan-gascon a Gèuna

Estagi parlar

L’associacion Gascon Lanas e lo CFPÒC Navèra Aquitània qu’organizan ua jornada de formacion a la lenga occitana lo 26 de mai qui arriba.

Qu’ei lo moment taus debutants de viéner seguir sheis òras de cors intensius e de poder espravar lo lor interès entà anar mei luenh.

Que i a tanben un cors previst taus qui an un nivèu intermediari e un aute taus qui podem qualificar de confirmats.

La jornada que’s debanarà au Centre de lésers de Gèuna. Los professors per aquesta jornada que seràn Michaël Barret, Jean-Jacques Fenié e Guilhèm Pilard.

Lo còst : 20 euros. Cadun que’s harà seguir lo disnar. L’arcuelh que’s harà a comptar de 9 h.

Informacions e inscripcions : https://www.cfpoc.com/stage-de-gascon-a-geaune-40/