28en congrès de las Calandretas

28en congrès de las Calandretas

La Confederacion de las escòlas laïcas Calandretas organizarà son 28en congrès del 29 al 31 de mai a Mejanas lo Clap, dins Gard. La tematica que ne serà : « Calandreta : per cultura avançar ».

Prepausarà als regents, als parents e a totes los actors de las escòlas immersivas occitanas de talhièrs, d'escambis, de conferéncias, de mòstras, de projeccions e d'animacions coma de cant, de dança o de musica. Un fum d'activitats pels enfants son tanben previstas.

La tematica es estada causida perque Calandreta a totjorn mes la cultura occitana dins los fondamentals del movement. Cada escòla e collègi es un luòc de vida actiu d'aquela cultura, e aquel congrès a per tòca d'ajudar a la far avançar.

Trobaratz lo programa complet de l'eveniment sul site de la Confederacion de las Calandretas.

Veire lo reportatge d'ÒCtele sul Congrès de Calandreta :

Lo Congrès de Calandreta sus ÒCtele