L’Escòla occitana d’estiu 2020

EOE 2020

L’Escòla occitana d’estiu 2020 que's debanarà a Vilanuèva d’Òut (pròche d’Agen), deu 16 au 22 d’aost.

Que serà la 46au, tostemps organizada per l’IEO 47, e qu’i arretrobaratz cors de lenga (en 3 varietats : gascon, lemosin, lengadocian), talhèrs de dança, de canta, de relaxacion, d’etnografia, de toponimia, de lenga e cultura catalanas e tanben conferéncias (actualitat, literatura, istòria), passejadas ludicas e culturaus, espectacles (contes, teatre, restitucion d’estagis), concèrts e bals, plan solide.

Lo Congrès que prepausarà cada dia un talhèr de contribucion aus utís de Wikimedia e un talhèr tà installar las soas aplicacions. Que harà tanben ua conferéncia tà presentar los sons diferents utís e projèctes en cors.

Que cau saber tanben un centre de lésers qu’arcuelherà los mei joens en acòrd dab lo lor atge : « l’escoleta d’estiu » taus mainats de 5 a 9 ans, e « l’escòl’ados » taus mei grans de 10 a 16 ans. Qu’auràn de prevista ua pièla d’activitats ludicas hòrt variadas, que sian manuaus, artisticas, linguisticas, esportivas, o enqüèra jòcs e sortidas, etc.

Tà çò de las tarifas deus talhèrs autant com de l’aubergament, e tà tota entresenha mei, qu'ac avetz tot ací :