29au Calam en gascon d’Ací Gasconha

29au Calam en gascon

Lo grop CALAM de l'associacion culturau Ací Gasconha (Anglet, Baiona, Biàrritz, Bocau e Baish Ador) qu'organiza lo son 29au concors suu tèma de "La Corsa".

Aqueth concors qu'ei ubèrt a tot autor individuau de poesias, de contes e de novèlas en occitan gascon. Las cinc categorias que'n son definidas : conte o novèla, poesia, òbra de cors de gascon taus adultes, òbra de joens de 15 a 30 ans e òbra de joens de 15 ans ençà.

Que profieita de la participacion de las vilas d'Anglet, de Baiona, de Tarnòs, deu Congrès e de l'Academia Gascona Baiona-Ador. Aqueth concors qu'ei organizat en collaboracion dab l'Ostau Bearnés e La Civada, principaument dens las categorias "Novèlas" e "Poesias" entà Ací Gasconha.

Las òbras constituidas que deuràn arribar abans lo 12 d'abriu de 2020, darrèr delai, au secretariat deu concors, acompanhadas peu chèc de 8 € de participacion (a gratis entaus joens, estudiants e demandaires d'emplec) : ACÍ GASCONHA – Ostau Culturau Tivoli - Espaci Gascon Pèir Larrodé - 27 carrèra d'Euskadi - 64600 ANGLET

Los resultats deu concors que seràn cridats quan ua ceremonia publica de remesa deus prèmis, au cors de la quau los premiats e seràn invitats a léger la lor òbra (tota o partida) premiada.

Règlament deu concors