Lo Conselh deus usatgèrs deu Congrès que s’amassè lo 29 de mai a Tolosa

Amassada deu Conselh deus usatgèrs deu Congrès

Lo 29 de mai que s’amassè a Tolosa lo Conselh deus usatgèrs deu Congrès Permanent de la Lenga Occitana. Aqueth conselh assessor deu Congrès qu’a per foncion de representar la demanda sociau. Qu’i son personas qualificadas representativas de la practica sociau e despartits en tres sectors : los transmetors (ensenhament, cors taus adultes e formacion professionau), los utilizators (escrivans, editors, mèdias) e los institucionaus (operators de politicas publicas).

Atau qui èran a l’amassada de Tolosa representants de la FELCO, deu centre APRENE, de las Calandretas, deu hialat deu CFPO, de la comunitat universitària, de la FIMÒC, deu CIRDÒC, de l’InÒc Aquitània, de l’Institut d’Estudis Occitans e de la co-ordinacion musicau occitana.

Tad aquera purmèra amassada, los sòcis deu Conselh deus usatgèrs qu’an tornat lo lor punt de vista per çò qui ei deu site internet, deu son contiengut e de la soa utilizacion. Lo retorn deus usatgèrs qu’ei hèra positiu : los utís mes en linha, dont lo dicod’Òc, que responen aus besonhs e que son hèra utilizats. Pr’aquò, besonhs que n’i a enqüèra e qu’estó lo parat d’exprimir totas las espèras en utís o en regulacion lingüistica.

Lo Conselh deus usatgèrs qu’elegí tanben lo son burèu :

  • President : Patrici Baccou (director deu centre APRENE)
  • Vicepresident : Cedric Valmary (director deu CFPO Mieidia-Pirenèus)
  • Secretari : Joan Breç Brana (encargat deu pòle lenga e societat a l’InÒc Aquitània)

Joan Breç Brana, secretari deu Conselh deus usatgèrs deu Congrès Permanent de la Lenga Occitana, que'ns parla de la purmèra amassada d'aqueth conselh assessor :