Letra de ligason :

Actualitats

Navèths aliats peu Congrès

Departament Pirenèus-Atlantics, Vila de Tolosa

L'aliança deu Congrès Permanent de la lenga occitana que s'alarguè pendent l'Amassada generau deu 23 de mai. En efèit, a aqueth parat la Comuna de Tolosa e lo Conselh generau deus Pirenèus Atlantics que's trobèn aliats deu Congrès.

Léger la seguida...

Lo Congrès a l'Estivada de Rodés

Estivada

Lo Congrès permanent de la lenga occitana serà present a l'Estivada que se debanarà del 23 al 27 de julhet a Rodés, en Avairon. Poiretz trobar son espaci al taulièr del CIRDÒC, la mediatèca occitana. Per l'escasença, Lo Congrès presentarà en exclusivitat sas doas aplicacions pels telefonets : lo verb'Òc e lo dicod'Òc. Trobaretz sus nòstre taulièr de flashcòdis per las descargar.

Léger la seguida...

Pecot, un escrivan viatjaire

Pecot, un escrivan viatjaire

Aquel site prepausa ressorsas pedagogicas a l'entorn de l'autor Rotland Pecot e de son òbra. I trobaretz tèxtes illustrats e comentats, que d'unes son acompanhats de fichièrs audiòs suls quals l'autor el meteis legís extraches de son òbra. Se pòdon tanben agachar vidèos d'entretens amb Rotland Pecot.

Léger la seguida...

Exercicis de gramatica del CRDP de Montpelhièr

Exercicis de gramatica del CRDP de Montpelhièr

Aquelas fichas de gramatica occitana abòrdan jos la forma d'exercicis autocorrectius los punts de lenga tractats dins las unitats prepausadas sul site del CRDP de Montpelhièr. Comprenon pauc d'explicacions gramaticalas, lo procediment es mai analitic e practic. S'agís d'observar de frasas tipicas e de s'entraïnar a traduire de frasas similàrias, en tornant emplegar lo vocabulari e las estructuras presentats en modèl. Aquelas fichas son inspiradas dels Trabalhs dirigits de gramatica de Ramon Chatbèrt (IEO : 1968, 1972).

Léger la seguida...

Diccionari general occitan de Cantalausa

Diccionari general occitan de Cantalausa

Lo Diccionari general occitan de Cantalausa foguèt lo primièr diccionari occitan monolingue. Es estat melhorat per Sèrgi Gairal amb los conselhs de Ramon Chatbèrt. L'IEO 12 ne prepausa uèi una version en linha. Podètz legir los abans-propaus, los avertiments e autras explicas contenguda pel diccionari, e podètz cercar un mot per far afichar sa definicion.

Léger la seguida...

Lo Conselh linguistic s'acampèt lo 1èr de junh a Montpelhièr

Amassada deu Conselh lingüistic deu Congrès

Lo Conselh linguistic, conselh assessor del Congrès permanent de la lenga occitana, s'es recampat lo dissabte 1èr de junh a l'Universitat Paul Valèry de Montpelhièr jos la presidéncia de Patric Sauzet.

Léger la seguida...