Letra de ligason :

Recèrca-publicacions

Soscripcion pel Diccionari francés-occitan segon lo lengadocian de Cristian Rapin

Diccionari francés-occitan segon lo lengadocian

Los darrièrs dos volums del Diccionari francés-occitan segon lo lengadocian de Cristian Rapin son a mand d'èstre publicats. Lor parucion en cò d'IEO-edicions es prevista per l'auton de 2013. Podètz reservar aqueles tòms e beneficiar d'una ofèrta de soscripcion fins al 15 de setembre.

Léger la seguida...

Actes dels rencontres del P.E.N.-Club occitan

P.E.N.-Club occitan

Los Actes dels rencontres organizats pel P.E.N.-Club occitan a Valéncia, dins Droma, lo 17 de novembre de 2012 son ara publicats. L'obratge es trilingue occitan, francoprovençal e francés. Repren las intervencions de las doas taulas redondas : « Escriure en lenga regionala » e « Difusar l'escrit en lenga regionala ».

Léger la seguida...

Crida a comunicacions de la revista Lengas

Lengas es una revista de sociolinguistica qu'existís dempuèi 1977. Per sos numèros a venir, lança de cridas a comunicacions sus doas tematicas. La primièra es la premsa en occitan e l'occitan dins la premsa dels sègles XVIII a XXI. La segonda es l'etnotipe.

Léger la seguida...

Diccionari d'expressions e locucions occitanas

Diccionari d'expressions e locucions occitanas

Cada expression o locucion, explicada e comentada del punt de vista lexical, gramatical e semantic, es balhada amb sa forma correnta, sas variantas, d’exemples preses dins la lenga parlada o literària e sas atestacions dins los diccionaris generals. Utilizadas totas en occitan lengadocian, se tròban jos una forma identica o equivalenta dins las autres variantas.

Léger la seguida...