Letra de ligason :

Paisatge lingüistic de las lengas regionalas

Paisatge lingüistic de las lengas regionalas

Lo Congrès Permanent de la Lenga Occitana, lo CIRDOC e la Region Occitania que hèn un aperet a comunicacions tà un collòqui qui organizaràn los 12, 13 e 14 de seteme a Tolosa, e qui averà per tematica « Paisatge lingüistic de las lengas regionalas ».

La prumèra jornada que portarà suu paisatge lingüistic vist peus cercaires. Mantuns aspèctes de la question que poderàn estar espepissats com per exemple : l'afichatge toristic o comerciau, la senhaletica institucionala, la plaça de la lenga estudiada dens un contèxte d’afichatge plurilingüe, los contrastes enter espaci urban e espaci rurau, los paisatges lingüistics sonòres, lo ciberpaisatge...

Dens aqueth encastre que'vs convidam, a partir de fòtos o d’enregistraments, a presentar los vòstes tribalhs d'analisi deu paisatge lingüistic d'ua lenga regionau, shens despassar 2 000 signes, e en indicar 3 mots claus e duas referéncias bibliograficas. Las comunicacions que pòden estar prepausadas per cercaires universitaris tant com per cercaires de collectivitats territoriaus.

Que podetz enviar las vòstas proposicions de comunicacion a v.riviere@locongres.org abans lo 25 de junh 2019.

Tà'n saber mei