Letra de ligason :

La licéncia d'occitan a distància a l'Universitat Tolosa II

Estudis a distància

L'Universitat Tolosa-Joan Jaurès prepausarà tre l'an que ven la possibilitat de seguir la licéncia d'occitan a distància. A mai, se poirà imbricar amb la licéncia de catalan.

Los estudiants qu'o desiran e los salariats que pòdon pas assistir als corses poiràn, en passant pel servici d'ensenhament a distància, s'inscriure a aquela licéncia que, fins ara, se podiá pas seguir qu'en presencial.

Es tanben lo cas de la licéncia de catalan. A mai, las doas licéncias se pòdon imbricar : podètz causir la licéncia d'occitan coma disciplina principala e lo catalan coma disciplina associada, o l'invèrs.