Letra de ligason :

Navèra formacion occitana a l'Universitat Montaigne

Occitan à l'Université Bordeaux-Montaigne

L’Universitat Montaigne de Bordèu que prepausa ua navèra formacion en occitan. Lo Diplòma Universitari (DU) en occitan qu’ei ubèrt en l’encastre de la formacion continua e virat cap a las personas qui son en activitat o en recèrca d’emplec.

Aqueth DU qu’interessarà los qui vòlen aver ua formacion de lenga e de cultura occitanas utila en la lor activitat professionau e qui vòlen ajustar a aquò uas competéncias dens lo maine de l’espectacle viu e deu patrimòni.

La formacion que’s compausa d’ua partida d’ensenhament de l’occitan gascon qui serà adaptada au nivèu d’entrada de cada aprenent. Que s’ajustarà a aquò la formacion cultura, patrimòni e espectacle viu. Lo DU qu’ei tà las personas en activitat o en recèrca d’emplec, taus qui son haut o baish occitano-parlants e qui’s vòlen melhorar e, enfin, tà las personas qui an per exemple ua activitat benevòla mes qui desiran ahortir las lors competéncias en accion culturau.

Los cors que’s debanan deu mes de seteme de 2018 dinc au mes d’abriu de 2019 au ritme de 5 h 30 setmanèras. Los cors que’s hèn lo dimars. Los partenaris que son lo CIRDÒC, l’InÒc e l’OPLO. Que’s cau inscríver abans lo 13 de julhet.

Informacions per çò qu’ei de las inscripcions e deu finançament : Séverine Viaud, Pôle formation tout au long de la vie, 05 57 12 45 38, severine.viaud@u-bordeaux-montaigne.fr