Letra de ligason :

Convencion en favor de l’occitan en Lemosin

Ensenhament

Lo 2 de feurier passat lo rector de Lemòtges, lo president de la Region Novela-Aquitània e la presidenta de l’Ofici Public de la Lenga Occitana (OPLO) an signat un texte qu’a per tòca d’estructurar e de desvelopar l’ensenhament de la lenga occitana.

S’agís de permetre la formacion d’un mai grand nombre de jòunes a l’occitan mas tanben de permetre au mai grand nombre de poder aver un accès a la lenga e a la cultura occitanas.

Lo texte signat a Lemòtges es la declinason, per lo Lemosin, de la convencion cadre que fuguet signada a Tolosa au començament de 2017 entre l’OPLO, l’Estat e las doas regions representadas au dintre de l’OPLO.

Per marcar lo començament de çò que deurá èsser una politica novela d’ensenhament de la lenga occitana en Lemosin, se desbolget per lo prumier còp a Lemòtges una achampada dau Conselh Academic de las Lengas Regionalas (CALR) que s’era jamai amassat jussinca qui.

Quò es una prumiera avançada que deuriá permetre de melhorar l’oferta d’ensenhament de l'occitan sus quauques sites dau territòri de l’acadèmia.