Letra de ligason :

Se formar per ensenhar en occitan

Borsas « Ensenhar » 2018

Las borsas « Ensenhar » son tornamai prepausadas per se formar al mestièr d’ensenhaire en occitan.

L’Ofici Public de la Lenga Occitana (OPLO), la Region Novèla Aquitània e lo Rectorat de Bordèu prepausan de sostenir los ensenhants que se vòlon formar per ensenhar dins la lenga occitana, que siá al primari o al segondari.

Lo desvolopament de l’ensenhament bilingüe necessita la formacion de professors de las escòlas e de professors dels collègis e licèus.

Amb una ajuda de 4 000 euros (dispositiu Ensenhar) per pagar la formacion e un manten del salari (de 80 % a 100 %), los ensenhaires qu’an obtengut un congèt individual de formacion o de reconversion poiràn seguir una formacion de sièis meses que lor dobrirà lo passatge per una certificacion complementària.

Poiràn atal, tre l’annada seguenta, èstre nommats coma professors de las escòlas sus un site bilingüe. Los autres, professors dels collègis e licèus, poiràn ensenhar l’occitan o en occitan lor disciplina non lingüistica.