Letra de ligason :

L'institucion e los sons sòcis

Dobertura de la bibliotèca virtuala Frederic Mistral

Bibliotèca virtuala Frederic Mistral

A l'escasença del centenari de la mòrt de Frederic Mistral, lo CIRDÒC a mes en linha una bibliotèca virtuala que li es consacrada al dintre de la mediatèca numerica Occitanica. Prepausa quicòm coma 200 ressorsas originalas o ineditas a l'entorn de l'autor provençal e de son òbra, e serà enriquida a mesura del temps.

Léger la seguida...

Formacion deu CFPÒc taus animators periescolars

CFPÒc, Ça-i, Menestrers gascons

Lo CFPÒc d'Aquitània, en partenariat dab lo collectiu Çà-i e Menestrèrs gascons, qu'avia ua session de formacion suus temps periescolars. Dab los navèths ritmes escolars, que i a en efèit horcas oràrias qui son consacradas a activitats periescolaras, e la lenga occitana que ne pòt har partida.

Léger la seguida...

Amassada generau de l'IEO

IEO

L'Institut d'Estudis Occitans que harà la soa Amassada generau los dissabte 26 e dimenge 27 d'abriu. Que's debanarà au Centre departamentau de la comunicacion a Perigüers.

Léger la seguida...

Examèn de la Jurada APRENE-Calandreta

Jurada APRENE-Calandreta

APRENE, l'establiment d'ensenhament superior occitan que forma los futurs regents de Calandreta, organiza la Jurada en junh venent. Aqueste examèn per integrar la formacion se debanarà en dos temps : un escambi oral e una jornada de produccion d'escrits.

Léger la seguida...

Amassada deu burèu deu Conselh deus usatgèrs

Burèu deu Conselh deus usatgèrs

Lo burèu deu Conselh deu usatgèrs que s'amassè lo 28 de heurèr dens los navèths locaus deu CFPO Mieidia-Pirenèus au quartièr Sent Anha de Tolosa.

Léger la seguida...

Las expressions occitanas de Carnaval

Expressions occitanas sus Carnaval

A la demanda d'organizators deu Carnaval Biarnés (qui's debanè a Pau deu 22 de heurèr au 4 de març), Lo Congrès que realizè ua campanha de comunicacion arron las expressions occitanas de la hèsta. Atau qu'estón hèitas afichas, vedederas au capitèth de la Hauta Planta – e tanben suus hialats sociaus - pendent las temporas de Carnaval, dab expressions bearnesas : Hà's crebar lo borràs (minjar de tròp), Anar en dondèna (anar a la hèsta), Har deu palhassa (har lo bofon)...

Léger la seguida...