Letra de ligason :

Seminari de formacion a la contribucion de Wikimédia France

Seminari de formacion a la contribucion de Wikimédia France

Lo 23 de genèr passat, la fondacion Wikimédia qu'organizè dab lo sostien de la DGLFLF un seminari arron lo desvolopament de la contribucion a Wikipèdia tà las lengas de França.

Qu'èran envitats ad aquera formacion mantuns benevòles, contributors e membres d'institucion, dont representants de la comunautat occitanofòna. Benaset Dazéas, director deu Congrès e Benjamin Assié, director deu CIRDÒC, que participèn a ua taula redona dedicada a las problematicas deu desvolopament numeric tà las lengas minorizadas.

Los responsables de Wikipèdia que hasón lutz sus las foncionalitats deu Wikiccionari – diccionari collaboratiu interlingue – e tanben sus los biais de contribucion a l'enciclopèdia en linha. Enfin, qu'acabèn dab la presentacion d'un navèth utís, Lingua Libre, qui permèt a cadun, mercés a ua interfàcia en linha, d'enregistrar mots en la soa lenga e de'us barrejar automaticament a Wikimèdia. En l'espèra de melhorar l'aisina entà ua difusion larga, los desvolopaires qu'an presentat la resulta d'un prumèr tèst hèit dab ua locutora deu xârâccùù (lenga canaca deu parçan de Canala). Lo Congrès que'vs harà reclam de l'evolucion e de l'edicion de l'utís.