Letra de ligason :

Videos de la segonda Jornada Occitanica del CIRDÒC

Segonda Jornada Occitanica

Lo CIRDÒC a mes en linha las videos de las intervencions de la segonda Jornada Occitanica, que se debanèt lo 2 de mai e qu'aviá per tèma « La numerizacion del patrimòni per la transmission de las lengas de França ».

I podètz retrobar las conferéncias e las taulas redondas que se faguèron a l'entorn de tres tematicas :  « Far conéisser, restituir, transmetre. Programas e portals engatjats dins la transmission del patrimòni lingüistic de França », « Patrimònis lingüistics numerizats e difusion dels sabers », « Lo patrimòni numerizat per totes. Quand lo patrimòni occitan numerizat produsís d'otisses educatius, toristics e de creacions artisticas ».