Letra de ligason :

Un estudi sus l'edicion occitana en Aquitània

L'Edicion en lenga occitana en Aquitània

L'InÒc Aquitània que vien de fenir un estudi sus l'edicion en lenga occitana en Aquitània. Que hè un estat deus lòcs de la cordèra e que prepausa quauques preconizacions tau son desvolopament.

La Convencion d'objectius pluriannau 2012-2013 qu'ei estada votada per la Region Aquitània, la DRAC Aquitània e los cinc departaments aquitans. Dens aqueth encastre, qu'an hidat ua mission a l'InÒc tà estructurar la cordèra deu libe d'expression occitana dens la region.

Un estudi sus aqueth subjècte qu'estó dejà realizat en 2008. Lo navèth estudi de l'InÒc d'Aquitània que l'actualiza, e que hica en valor las dificultats qui encontran los actors de la cordèra. Qu'ei estat hèit au près deus editors occitans aquitans tà compréner los lors besonhs e las lors espèras.

Aqueth estudi adara qu'ei disponible en linha suu site de l'InÒc d'Aquitània.