Letra de ligason :

Amassada deu burèu deu Conselh deus usatgèrs

Burèu deu Conselh deus usatgèrs

Lo burèu deu Conselh deu usatgèrs que s'amassè lo 28 de heurèr dens los navèths locaus deu CFPO Mieidia-Pirenèus au quartièr Sent Anha de Tolosa.

Qu'i èran lo President Patrici Baccou (director d'APRENE), lo vicepresident Cédric Valmary (director deu CFPO Mieidia-Pirenèus) e lo secretari Joan Breç Brana (responsable deu pòle lenga e societat de l'InÒc Aquitània), atau com Gilabèrt Mercadièr (President deu Congrès) e Benaset Dazéas (director deu Congrès).

Qu'estó lo parat tad eths de har lo punt suu foncionament deu Conselh deus usatgèrs, las escadenças a viéner e suus apèrs deu site deu Congrès. Benaset Dazeàs que hasó ua presentacion deu navèth site en desvolopament, que la soa mesa en linha ei prevista tà junh de 2014, e de las soas navèras foncionalitats.

Ua equipa de France 3 Sud qu'èra presenta tanben entà rodar un reportatge suu bilanç deu Congrès. Aqueste que serà difusat au Jornalet lo dissabte 22 de març.