Letra de ligason :

Lo Congrès sus ÒC Tele

ÒC Tele Lo Congrès

Au parat deu darrèr D’ÒC Show (35au) a Nimes en abriu passat, ÒC Tele que hiquè en linha quauques dias a lo reportatge sus la presentacion deu Congrès permanent de la lenga occitana, peu son quite director, Benaset Dazéas.

Que s’i presentan los utís disponibles en linha atau com los aplicacions desvolopadas peu Congrès qui permeten ua democratizacion màger de la lenga mercés a ua ergonomia pensada de cap a las navèras tecnologias.

Totun, la question deus clavèrs que demora e aquiu duas solucions que son auheridas : lo clavèr predictiu desvolopat peu Congrès en gascon e lengadocian entaus telefonets e tabletas (dab sistèma Android) e lo futur clavèr de nòrma volontària Afnor qui desvolopè la Delegacion Generau a la Lenga Francesa e las Lengas de França, qui pren en compte las especificitats graficas e sustot diacriticas de totas las lengas de França.

Aquiu lo reportatge sancèr : http://www.octele.com/Congres_fiche_3331.html