Letra de ligason :

Fòrum euroregional

Fòrum Euroregional

L’Euroregion Pirenèus-Mediterranèa, qu’amassa Catalonha, Balearas e la Region Occitània, vòl mostrar qu’es lo territòri de partatge d’un patrimòni cultural ric e divèrs. Dins aquel encastre, lo Cirdòc, la Fira mediterrània de Marensa e Sa Xerxa-Fira de teatre infantil organizan lo Fòrum Euroregional que se debanarà al Pont de Gard, sus doas jornadas, los 18 e 19 de mai. Lo tèma ne serà : « las culturas popularas en dialòg » .

Lo dissabte 19 serà tanben lo moment de la dubèrtura oficiala del Tostal Festum 2018 que prepausa d’animacions pertot dins la Region Occitània

Lo fòrum se vòl un encontre a l’entorn de l’idèa que las tres regions partatjan doas lengas, l’occitan e lo catalan, fondament d’una cultura populara rica. Un dels primièrs tèmas debatuts serà lo dels enjòcs del pluralisme cultural e lingüistic dins aquel espaci euroregional.

De debats seguiràn per abordar las questions del patrimòni cultural immaterial, las tradicions oralas, la creacion, la dança e totas las formas d’expression culturala que se pòdon escambiar al dintre de l’Euroregion.

Evidentament una granda plaça serà daissada als artistas venguts de tot lo territòri pertocat. I presentaràn lor biais de far viure la cultura occitana e catalana, jos totas las formas, que siá lo teatre, la musica, los mèdias, los castells

I aurà pendant los dos jorns un vilatge cultural e una mòstra.