Lo congrès de l'AIEO se prepara

Lhèida

L'AIEO, Associacion interregionala d'estudis occitans, ven de publicar la segonda circulara pertocant son XIen Congrès internacional que se farà a Lhèida, en Catalonha, del 16 al 21 de junh de 2014.

I fa una primièra lista de las institucions que sostenon aquel congrès. Anóncia que publicarà lèu los noms dels sòcis que compausaràn lo comitat d'aunor del congrès e que faguèt una presentacion oficiala d'aquel eveniment lo 18 d'octobre de 2013 a Barcelona, al sèti del departament de la cultura.

Los títols e los resumits de las diferentas comunicacions seràn publicats els dins la tresena circulara. D'efièit, pel moment, es totjorn possible de mandar de proposicions de comunicacion pel congrès. Las cal adreçar abans lo 30 de novembre.

Lo preprograma, la lista dels partenaris del congrès, los bulletins d'inscripcion se pòdon trobar sul site aieo2014.blog.cat.