Letra de ligason :

Sélectionnez votre langue

API deu Congrès

Las API e los modules deu Congrès que son estats actualizats e que prepausan adara mantua modificacion, com la presa en carga de mei de varietats de l'occitan.

En efèit, las API rimas e sinonimes que foncionan adara tà l'occitan lemosin e tà l'occitan auvernhat. L'API express'Òc, era, que s'ei dubèrta a las varietats provençala e lemosina. Que’s pòt tanben installar lo module express'Òc dab aqueras duas varietats.

Las API sinonimes, rimas e fon'Òc que pòden adara renviar resultats tà totas las varietats de l'occitan con·honudas en ua sola requèsta.

Lo fonetizader deu Congrès qu'ei estat melhorat. Las API fon'Òc e rimas que son doncas adara mei performantas.

Enfin, los còdis tà indicar las varietats dens las URL e dens las responsas renviadas que son estats mes en conformitat dab los subtags de varietats depausats a l'IANA. Que cau notar que los modules vèrb'Òc e express'Òc dejà integrats dens sites o blògs que contunhan de foncionar a maugrat d'aqueth cambiament.

Qu’an tanben reactualizat las notícias d'utilizacion de las API tà documentar aqueths cambiaments.