Lo 27 de junh a 10H30, au Castèth d’Este de Vilhèra, que's harà l'aviada oficiau de LINGUATEC.

LINGUATEC qu'ei un programa europèu de desvolopament de las ressorsas e deus utís numerics tà las lengas pirenencas (aragonés, basco e occitan) : traductors automatics, reconeishença vocau, sintèsi vocau, etc.

L'objectiu qu'ei de contribuir au desvolopament de l'intercompreneson numerica enter las lengas pertocadas, atau com de melhorar la lor transmission e la lor difusion.

LINGUATEC (EFA227/16) « Desvolopament de la cooperacion transfronterèra e deu transferiment de coneishença en tecnologias de la lenga » qu’ei un programa retiengut peu segond aperet a projèctes deu Programa de Cooperacion Territoriau Espanha-França-Andòrra POCTEFA (2014-2020) qui a per objectiu lo transferiment de tecnologias e lo desvolopament de ressorsas e d’aplicacions lingüisticas innovantas en aragonés, basco e occitan.

Rensenhaments : +33 (0)5 59 13 06 40 / Cette adresse e-mail est protégée contre les robots spammeurs. Vous devez activer le JavaScript pour la visualiser.

Programme financé par le Fonds Européen de Développement Régional