Letra de ligason :

Sélectionnez votre langue

Plega Atots 2018

Las edicions de l’Institut d’Estudis Occitans prepausan quatre títols novèls. Aquela « Plega 2018» se compausa de tres romans e d’un recuèlh de sèt novèlas.

Sèrgi Viaule, Jòrdi Peladan, Romièg Jumèu signan los tres romans. Las novèlas son publicadas jos un nom que sentís al pseudonime e a l’escais-nom, Marc Hòmal.

Sèrgi Viaule, jol títol « Atal Fasèm », a volgut far çò diguèt : « un omenatge a Enric Molin que li soi devent de mas primièras jòias de lector ».

Jòrdi Peladan el, amb aquel  « A planta cotelet » tòrna metre sul papièr de personatges de roman policièr qu’aviá ja fait viure dins d’obratges mai ancians.

Romieg Jumèu, amb « Lo viatge alambicant dau professor Gròsdenas »  nos parla del jutge Babós qu’es acarat a un criminal que sembla pas ordinari e que s’apèla Gròsdenas.

Enfin las novèlas de Marc Hòmal son de sciéncia ficcion amassadas jol títol : « Puta que la vida es polida ! ». Sèt novèlas d’univèrs diferents : « Sèt istòrias d’endacòm mai ».

Los quatre libres son prepausats duscas al 31 de mai al prètz de 47 euros (pòrt comprés) en plaça de 66 euros.

Ne saber mai