Letra de ligason :

Lo vèrb'Òc, conjugator occitan

Lo vèrb'Òc, Conjugator occitan es una aplicacion informatica que permet de trobar sul pic la conjugason integrala de cada vèrb occitan amb una granda comoditat e rapiditat d'utilizacion.

Aquela primièra version del vèrb'Òc, sonque en occitan lengadocian, s’inscriu dins la continuïtat dels trabalhs descriptius e normatius occitanistas anteriors : Gramatica occitana e Dictionnaire Occitan-Français de Loís Alibèrt (version numerica Josiana Ubaud, Patric Sauzet GIDILOC, extraccion d’entradas Sergi Granièr), Diccionari de Cristian Laus Lo vèrb occitan de Patric Sauzet e Josiana Ubaud, Los vèrbs conjugats de Partici Pojada, las Nòrmas del CLO , òbra collectiva mesa en forma per Domergue Sumien.

Lo Congrès es a trabalhar per integrar las conjugasons de las autras variantas. La mesa en linha per l'occitan gascon es prevista pel segond semèstre de 2015.