Letra de ligason :

Lo Congrès au congrès de l'AIEO

Congrès de l'AIEO 2017

Lo Congrès qu'èra present a Albi, deu 10 dinc au 15 de julhet, tà presentar lo son tribalh au parat deu XIIau Congrès de l'Associacion internacionau d'estudis occitans.

Florença Marcouyre, lexicografa deu Congrès, que i expliquè la realizacion deu vèrb'Òc gascon. Aure Séguier, desvolopaira TAL, que contè lo formatatge en TEI deus diccionaris deu Congrès e las realizacions qu'a permetudas. Dab Miriam Bras deu laboratòri CLLE-ERSS, que presentè Loflòc, lo lexic obert flechit de l'occitan qui ei suu sortir. Enfin, que participè a ua taula redona entitolada « Còrpus informatizats taus estudis occitans : perqué ? com ? » dab los nostes partenaris deu CIRDÒC e de CLLE-ERSS.

D'uns sòcis deu Conselh lingüistic deu Congrès, com Patric Sauzet lo son president, qu'intervienón tanben au parat de comunicacions, taulas redonas e conferéncias plenàrias.