La Comunautat d'Aglomeracion País Basco (CAPB) qu'ei hèra proactiva cap a la lenga, aquesta rentrada :
qu'a inaugurat lo son navèth Tram'Bus en las soas tres lengas (basco, occitan, francés) e qu'a tanben produsit un desplegant informatiu sus la mobilitat dens l'aglomeracion, en bilingüe francés/occitan-gascon (https://fr.calameo.com/read/005252236dfe059f57663).
En sengles cas, lo Congrès qu'estó sòci de referéncia en mestior d'expertisa lingüistica e toponimica. Los usatgèrs deu Baish Ador que poderàn lavetz profieitar deus lors transpòrts publics en lo respècte de las loas lengas mairaus, e que muisharà autanplan au monde l'existéncia d'ua situacion linguistica pròpia e respectada hens l'espaci public.
Ua bèra mustra de politica lingüistica de las volontàrias, qui's poderé tot parièr esténer a tota l'Occitania.