Letra de ligason :

Sélectionnez votre langue

Digital Language Survival Kit

Aquel « kit per la subrevida numerica de las lengas », redigit pel Digital Language Diversity Project, un programa europèu Erasmus +, a per tòca de mesurar lo gra de vitalitat numerica d'una lenga regionala o minoritària e d'indicar d'accions e d'iniciativas concrètas per lo melhorar.

La mesura de la vitalitat numerica d'una lenga se fa amb tres indicators :

  • La capacitat numerica : la quantitat de tecnologias e d'infraestructuras qu'asseguran lo foncionament de la lenga dins lo monde numeric.
  • La preséncia e l'utilizacion de la lenga dins lo numeric
  • La performància numerica : çò que se pòt far informaticament amb una lenga.

La lenga es puèi classada en tres nivèls (dormenta, emergenta, en desvolopament). Per cada nivèl, lo « kit » indica d'accions que lo pòdon melhorar. Per exemple : s'assegurar que la lenga a un clavièr adaptat, crear un corregidor ortografic, collectar de donadas lingüisticas suls malhums socials, crear de webràdios, promòure lo sotatitolatge de vidèos… Un capítol del document es tanben dedicat a Wikipèdia.