Letra de ligason :

Sélectionnez votre langue

Vidas

Vidas. Des hommes et une langue : itinéraires biographiques XIXe et XXe siècle es un libre que parla d’aqueles qu’an obrat en favor de la lenga.

Aquel libre fa lo retrach d’un quinzenat de personatges qu’an trabalhat en favor de la lenga. Solide i trobam de noms famoses, mas tanben de noms mens coneguts.
L’autor, que ne coneissèm la competéncia en istòria de la lenga occitana, a fait una plaça als autors mas a fait tanben una justa plaça als militants, als qu’an trabalhat per la lenga e que, de còps que i a, lor trabalh concrèt lor daissèt pas lo temps de far una òbra literària.

Felip Martel seguís donc lo caminament d’aqueles personatges e nos convida a descobrir de vidas consacradas a la renaissença de la lenga occitana.

Aquel libre, que sortirà al mes de julhet, es ligat a una iniciativa del CIRDÒC en relacion amb Red'ÒC –Llacs qu’es la partida recèrca del departament d’occitan de l’Universitat Paul Valéry de Montpelhièr.

Cal donc legir lo libre de F. Martel puèi anar tanben sul site vidas.occitanica.eu per i trobar de biografias de personatges que podèm qualificar d’occitanistas.

Es una causa importanta de poder gardar la memòria de totas las e totes los que trabalhèron per la lenga, per sa difusion e pas solament los qu’escrivon o qu’escriguèron.

Es possible de participar a far mai ric aquel site en prepausar, amb un format precís, de biografias de personas qu’an participat a la renaissença occitana.

Vidas. Des hommes et une langue : itinéraires biographiques –XIXe e XXe siècles,
Felip Martel. Edicions Lambert Lucas. Per paréisser al mes de julhet. 24 euros