L'Agéncia Nacionau de la Recèrca e de la Tecnologia que sòrt d'atribuir a l'etnopòle InÒc Aquitània ua borsa CIFRE tà integrar a la soa equipa ua estudianta qui hè ua tèsi de doctorat en recèrca e desvolopament.

Aquera mena de borsa hèra presada e plan coneishuda en lo sector industriau qu'ei hèra rare en lo domeni culturau.

Mélanie Larché, doctoranta deu Laboratòri ITEM (EA 3002) de l'Universitat de Pau e deus País de l'Ador, qu'a atau integrat tà tres ans l'equipa de l'etnopòle tà realizar la soa tèsi sus las « Valorizacions numericas deu Patrimòni culturau immateriau ». Un tribalh d'observacion, d'experimentacion e de recèrca mei que mei dens l'encastre de las òbras qui mia l'InÒc Aquitània au dia de uei en lo domeni de la valorizacion en websemantica.