Podètz ara comandar la Plega de 2014, una seleccion de quatre libres de la colleccion A tots d'IEO Edicions.
Ongan, i trobaretz dos romans. Lo primièr, Man Trobat d'Alem Surre Garcia, conta dins la dralha de las novèlas picarescas espanhòlas e occitanas l'istòria d'un jovent perdut dins la megalopòli contemporanèa Babilonia. Lo segond es Embolh a Malamosca de Romièg Jumèu, un roman policièr dins lo qual un negre a la recèrca de la vendeira d'una enciclopèdia dintra dins un embolh de non pas créser.
La Plega conten tanben Esquissas per un retrach de l'ombra, un recuèlh de racontes de Magali Bizot-Dargent, e Fotuda planeta, de novèlas de Sèrgi Viaule.
La podètz crompar sul site d'IEO Difusion.